Aldahanna rífur kjaft!!!

Elsku Aðdáendur,

Ég byrjaði síðdegið á því að svara athugasemdum frá Ölduhönnu í kommentakerfinu. Hún rífur bara kjaft stelpan og ber ekki tilhæfilega virðingu fyrir mér. Til að kenna henni smá lexíu eyddi ég nokkrum gömlum færlsum, ekki það að einhver hafi verið að lesa þetta rusl, ónei, ég er einlega bara að gera blogger.com greiða þar sem Aldahanna er að eyða óþarfa diskpássi hjá þeim.

Hæfileikar mínir á sviði tölvumála eru óumdeilanlegir. Ég er meistarinn, ég er sá besti! Ég get opnað hvaða bloggsíðu sem er, eina sem ég þarf er smá tími. Aldahanna bendir réttilega á það að ég þurfi að velja mér nýja síðu af listanum hjá Fals-Netverjanum. Ég er byrjaður að reyna við næstu síðu, ekki vera hissa þó ég byrji að blogga á nýjum stað fljótlega upp úr áramótum - eða bara um leið og Aldahanna sendir mér myndirnar :p Auðvitað þarf ég ekki að taka það fram að ég er ekki bara tölvumeistari, ég er líka rúmmeistari. Ótal kvennfólk getur borið mér vitni um það að ég er líka fjölhæfur í rúminu. Áhugasamt kvenfólk getur skilið eftir nafn og símanúmer í kommentakerfinu og ég mun hafa samand.

Jæja, hinn sanni Netverji (ég - Aldan) er orðin þreyttur. Maður ætti kannski að leggja sig smá áður en maður treður í sig einhverju óætu sem skækjan eldar.

Bless!

Nóttin var ljúf

Elsku Aðdáendur,

Nóttin var fín og ég svaf eins og fokkings engill! Mig dreymdi blauta drauma um Ölduhönnu og ég hlakka mjög til að fá myndirnar af henni. Ef hún kemur þeim ekki til mín fer ég að eyða út gömlum bloggfærslum, hún vill sjálfsagt ekki sjá það gerast.

Oh! Aldahanna! ÉG ÞRÁI ÞIG!!

Jæja, þá styttist í það að maður skýtur herlegheitunum upp. Gaurinn í næstu íbúð heldur sjálfsagt að hann hafi keypt meira en ég, en ég get farið í dag og bætt við hjá mér! Best að fara seinnt í dag svo fíflið eigi ekki möguleika á því að kaupa meira sjálfur. Það mætti halda að hann væri með lítið tippi, hann er alltaf með svona fáránlegar keppnir!

Ég er að hugsa um að leggja mig fyrir hádegi, kannski mig dreymi fleiri blauta drauma.


Bless!

Það var brotist inn á bloggið þitt og því var stolið!

HAHAHAHAHAHA!

Ég er meistarinnn! Það verður ekki annað sagt, ég er meistarinn!

Elsku Aldahanna, ég er búinn að stela blogginu þínu! Þú verður að senda mér nektarmyndir AF ÞÉR í pósti til þess að fá það aftur! :D

HAHAHAHAH!

Elsku Aðdáendur,

Það er alltaf skemmtilegra að blogga á annarra manna bloggum, ég hef sagt það áður! Annarra manna blogg og annarra manna kellingar - hvorttveggja er mér að skapi!

Einu sinni lét ég taka myndir af mér þar sem ég lág nakinn á sauðagæru. Ég var rosalega sexy á þessum myndum! Kannski við Aldahanna getum skipst á myndum, hvernig væri það!?

Hverskonar nafn er þetta Aldahanna annars? Aldrei heyrt það áður!

Jæja, klukkan er farinn að ganga eitt og kellingin bíður eftir að ég hnoði hana. Ég verð víst að gera það eins og hún vill hafa það, annars fæ ég ekki frið og hún talar sífellt um ragettupakkann sem ég keypti. Lágmarks útbúnaður þar kostar 75 þúsund í dag og ég þarf í staðinn að skríða uppá kellinguna fram yfir áramót.

Bless!

p.s. hvaða linkur er næstur hjá Netverjanum falska?

Bitur, ég ? Aldrei

Ég býst ekki við að fá nein komment frekar en fyrr daginn, ég er ekkert bitur út af því. Mér er bara nákvæmlega sama, ég gæti þó tekið upp á því að læsa blogginu svo ég geti fylgst betur með umferð um það. Ég gæti einnig tekið upp á því að nefna fólk sem ég veit að skoðar þetta en kommentar aldrei, svona hér og þar í blogginu í von um að fá viðbrögð frá því. Inga, Unnar, Úlla, pabbi, Anna (nýji teljarinn segir að hér hafi komið 12 heimsóknir frá Bretlandi en ekkert komment fylgt heimsóknunum), Ásta (nokkrar frá Danmörku), Auður (Ítalía kemur sterk inn), Olga (frá Ástralíu af öllum stöðum), etc... ;) en ég nenni ekki að standa í því ;) Það er greinilega til of mikils ætlast að fá ykkur til að senda mér hlýlega kveðju.... nei djók... Ég skil ykkur alveg, ég er sjálf drulluléleg að kommenta á aðrar síður. Ég þarf líklega að finna eitthvað meira djúsí til að skrifa um svo hægt sé að kommenta á það, ég skoða málið og hef samband aftur. Mér þykir bara vænt um að þið nennið að kíkja á mig stöku sinnum. Annars setti ég inn myndasíðu fyrir ykkur hér til hægri sem verður uppfærð á næsta ári ef þið eruð heppin!

Takk fyrir mig!

Ég vil bara þakka öllum fyrir allar frábæru jólagjafirnar og fallegu jólakortin sem ég fékk í ár... þið hin megið eiga ykkur :)


Neinei, elska ykkur líka, bara ekki eins mikið!

Ég er í lagi eins og ég er!

Það er stórfínt alveg!
Ég beilaði nefnilega á afmælinu og Snúruhittingnum! Ég veit upp á mig sökina, ég var bara svo þreytt! Ég bæti afmælisbarninu það upp um helgina, hún er bara eins árs þannig ég efa að hún eigi eftir að erfa það við mig mjög lengi. Það er annað mál með Snúrurnar, Dvergurinn hótaði grát og gnístran tanna ef fólk myndi ekki mæta, ég vona að fólk (annað en ég) hafi mætt. Ég hefði hvort eð er ekkert getað stoppað lengi því ég þurfti svo að mæta í vinnu. Einn dagur í frí, tveir dagar í vinnu, þrír dagar í sumarbústað og nýja árið. Ég mæli með að fólk fylgist með bloggáskorun Netverjans og Flugdrottningarinnar, svo hefur Netverjinn lofað áramótaannál sem fólk bíður spennt eftir (fólk=ég). Ég hef samt sterkan grun um að hann muni einungis birta færslur um einn mánuð í einu til að lifa þessa bloggáskorun af, það væri eftir öllu! Cherríó!

Ljónið - dagurinn í dag
Það er hvorki ástæða til þess að fela sig né breytast. Þú ert í lagi eins og þú ert. Ljónið leggur eitthvað frábært af mörkum til einhvers sem félagi þess fæst við. Með því hjálpar það honum til þess að komast áleiðis.

Jólaspilamaraþon

Jú jú, ég ákvað að gerast boðflenna í Jólaspilamaraþoni Garðbæinga í ár, ég var ekki rekin aftur út á óæðri endanum. Spilamennskan stóð frá 21 til 06 daginn eftir, við vorum bara þrjú sem stóðum þá eftir (með naumindum þó). Þynnkan sem mín vaknaði svo með gaf þó til kynna að ráðlegra hefði verið að hætta mun fyrr, en við lærum bara af þessu! Annars er allt mikið að gerast þessa dagana, afmæli, Snúruhittingur, Herfuhittingur, Tarothittingur, áramót, vinna, Auður E. (hún tekur sinn tíma eins og allir þekkja). Jólafríið sem ég fékk var alltof stutt, en ég er þó búin að hafa það rosalega gott. Við vorum bara tvær mæðgurnar á aðfangadagskvöld, dressuðum okkur upp þó það hefði verið freistandi að borða bara á náttbuxunum eins og við höfum gert áður. Eftir mat og pakka kíkti ég upp í Fannó eins og hefðin gerir ráð fyrir, þar söfnuðust einhverjir ættingjar saman og Trivial var dregið upp þrátt fyrir að spilamennskan væri á dagskránni daginn eftir. Ekki stoppaði það fólk í að mæta aftur á Jóladag til að spila meira, en eitt er þó víst, við þurfum að fjárfesta í nýjum spilum því grunur liggur í því að fólk sé farið að þekkja sumar spurningarnar ansi vel. Kaffi, kökur, ég flúði um leið og hangikjötið var dregið upp og við mæðgurnar eyddum restinni af kvöldinu í videógláp og önnur rólegheit. Svona var þetta, alveg yndislegt þó það vantaði mikið að hafa ekki Önnu hjá okkur.

Jæja, vinna búin, meira seinna!

Jólabarnið í ár

Elísabet Anna með stóru bláu augun sín.

GLEÐILEG JÓL

Komin í jólafrí

eftir u.þ.b. 40 mínútur. Er í fríi fram á miðvikudag í næstu viku, ég man bara ekki hvað það er langt síðan ég hef átt svona gott frí yfir jólin. Eins og áður hefur komið fram þá er Anna farin af landi brott, Auður er hins vega lent og búið er að plana bæjarferð sem og sumarbústaðarferð áður en hún yfirgefur landið á ný. Jólaskapið kemur og fer með þessu blíðskaparveðri, hvar er snjórinn minn? Það er allt eitthvað svo öfugsnúið.. ekki nógu sátt við þetta. Annars á ég enn eftir að gera helling áður en jól nr. 2 renna í garð, öll tiltekt eftir sem og smá pakkaútréttingar. Jól nr 1. voru indæl, við fórum í bíó, kíktum í smá fjölskylduheimsókn og svo var farið heim og eldaður hamborgarhryggur með öllu og nokkrir pakkar opnaðir (bara okkar á milli). Ég get ekki sagt að ég sé með mikið samviskubit að taka svona forskot á sæluna, Anna varð að fá að njóta jólanna með okkur :) og það hófst, en það það voru þreyttir ferðalangar sem keyrðu til Keflavíkur morguninn eftir...

Þetta er svoldið ógnvekjandi...

Jóla Jóla

Snædís

Ingólfur frændi eignaðist litla prinsessu um daginn, við notuðum tækifærið á meðan Anna var á landinu og kíktum á litla dýrið hana Snædísi, hún er algjör dúlla eins og öll önnur börn í minni fjölskyldu ;)

Þá er Anna mín flogin af landi brott, aftur :( Það var frábært að hafa hana þó þetta hefði verið alltof stuttur tími. Ég hugga mig við það að ég fæ líklega að sjá hana aftur í lok janúar eða byrjun febrúar!

Jóla jóla :)

"trademark/copyright NETVERJINN"

átti ég ekki að gera eitthvað svona ;)


Ég er ÞREYTT! Ég er með meiri harðsperrur eftir blessuð jólainnkaupin heldur en nokkurn tímann ræktina (sem gæti reyndar verið vísir á það að ég er að gera eitthvað rangt í ræktinni en við tökum á þeim staðreyndum seinna)! Ég er "næstum" því búin að klára allt fyrir jólin, ég á bara eftir að versla örfáar gjafir, taka til, baka meira, keyra út pakkana, setja jólakortin í póst, finna jólatréð og skreyta það (*hóst* ANNA), finna skreytinguna á svalirnar og svona snatt :) hehe eins og þið sjáið, ALVEG að verða búin. Annars er Anna mín komin heim í smá heimsókn, ég hélt hún myndi sligast undan þunganum af hringnum, en hún hafði það af að komast í gegnum fríhöfnina með tollinn minn! Hún og Robin trúlofuðu sig í síðustu viku, hann fór á skeljarnar eins og sannur herramaður og auðvitað sagði hún já. Til hamingju með það Anna mín! Eitt er málið, nú sendir hann mér líka sms í tíma og ótíma, hefur miklar áhyggjur af því að hún verði étin af ísbjörnum eða að hann deyji úr vanrækslu á meðan þessu stutta Íslandsstoppi hennar stendur (stebbi treður strý, stoppi stendur.. æ þið vitið), unnustur eru víst meira virði en kærustur... hverjum hafði dottið það í hug!?

Kátína mín er enn til staðar, ég er ekki enn farin að lenda. Ég er farin að venjast þessu, þetta hlýtur að vera dulbúin jólakátína,hún náði hámarki nokkrum klst eftir að Anna lenti :) ég held hún hafi náð hámarki, ég vona það... :oS
Ég er annars orðin pínku þreytt, of mikið að gerast á of stuttum tíma. Afmæli, bakstur fyrir jól og afmæli, Anna, jólapakkar, vinna, enginn svefn :Os Það verður fínt að fara í smá frí og halda upp á jól nr. eitt á fimmtudag, það verður víst haldið upp á aðfangadag tvisvar í vikunni (fyrir Önnu), það verður öðruvísi.
Ég nenni þessu annars ekki lengur :)

Jóla jóla

("trademark/copyright NETVERJINN" )

Ég verð að viðurkenna að þetta með viðskiptavininn hljómar svolítið illa...

Allo Allo

Eitthvað fór franski framburðurinn minn illa fyrir brjóstið á einum viðskiptavini, hann tilkynnti mér að það væri greinilegt að ég ætti ekki til franskt bein í mínum líkama! Ég veit ekki hvort ég á að vera móðguð eða fegin!

Ég er núna búin að vera perkí í yfir sólarhring. Lendingin á eftir að verða hörð og sársaukafull!!

Coincident, I think not!

Ég var að sjá að það er verið að opna líkamsræktarstöð í húsinu hérna á móti, ég er að segja ykkur það, þetta er eitt allsherjar SAMSÆRI!!!!

Vísindaleg könnun sem var framkvæmd hér fyrir stuttu hefur staðfest grunsemdir mínar, allir bleiku molarnir eru búnir!!!

Megi sökudólgurinn fá fullt af bólum í framan og drullu fram eftir degi á morgun!!

Ég er nokkuð viss um að jólamandarínurnar vega eitthvað lítið upp á móti öllu súkkulaðinu en þeir eru sniðugir yfirmennirnir... eru með stóra skál af þeim líka :)

Hrein Illska!!

Hvernig dettur yfirmönnunum í hug að hafa allt morandi í Quality Street molum!! Þeir eru ALLSSTAÐAR! Ég er viss um að ég sá skál á klósettinu áðan...

Getur maður staðist freistingarnar? Er þetta próf? Eru myndavélar hér sem fylgjast með okkur og sá starfsmaður sem fær sér oftast fær frítt kort í Baðhúsið...??



Þessi bleiki er bestur ;)

ÉG er ekki búin að þrífa fyrir, ég er ekki búin að baka, ég er ekki búin að kaupa nema lítið brot af jólagjöfunum, ég er ekki búin að setja jólakortin í póst, þetta gæti skýrt afhverju ég er ekki komin í neinn jólafíling!

Ég er hins vegar búin að klára Sushi for beginners (alveg ágætis bók) og byrjuð á Eminem... nei djók (ég er löngu búin með hana, hahaha), ég er búin að rífa af mér allar gelneglurnar og ég er búin að eyða allt of löngum tíma að setja inn brandara á myspace síður :0S Það er ekkert skrýtið að mér verður ekkert úr verki!

Ég sé eftir því núna að hafa ekki byrjað að kaupa jólagjafirnar í júlí, það er hrein geðveiki að fara í búðir núna. Man það á næsta ári... byrja snemma... byrja snemma...

Anna mín kemur á sunnudag, það verður æðislegt að fá hana þó hún stoppi stutt, svo kemur Auður mín sama dag og Anna fer heim aftur, allt vel planað hjá þessum dúllum! Annars fengum við mæðgurnar stórskemmtilegar fréttir í gær, verð að bíða þar til allt er orðið opinbert til að tjá mig meira um þær :)

Já og svo má ekki gleyma að minnast á að Ingólfur frændi eignaðist litla tátu um daginn sem fékk nafnið Snædís, til hamingju með það :)

Stjörnuspáin fyrir Ljónið í dag

Ef þú færð ekki það sem þú vilt út úr sambandi, skaltu slaka á eitt augnablik og hugsa um þá sex milljarða manna sem þú deilir jörðinni með. Líklega getur einn þeirra uppfyllt þarfir þínar.


Ég ætla bara rétt svo að vona það!!!!!!!


p.s. HVAR ERTU? :)

Almenningur

Fyrst ég er á annað borð byrjuð að tjá mig, því þá að hætta.

Ég var í ræktinni um daginn, á göngubrettinu með nýja iPodinn minn í eyrunum og var að horfa á einhvern gamanþátt í sjónvarpinu, sem sagt bara í góðum málum. Haldiði ekki að kellingin á stigaþjálfaranum fyrir framan mig hafi ekki rekið svona illilega við, ég ældi næstum því á gólfið :oS Ef þú finnur það koma... stígðu þá afsíðis!!

Annað mál á svipuðum nótum, ég þurfti að bregða mér afsíðis í dag á meðan búðarrápi mínu stóð. Ég var stödd nálægt Hagkaup í Skeifunni svo ég dreif mig þangað inn, þvílíkt og annað eins :Os gólfið var allt útmigið og lyktin þarna inni.. það fer um mig hrollur þegar ég hugsa um þetta. Þetta minnti mig smá á klósettin á flugvellinum á Barcelona, þau voru viðbjóður, öll út í brunablettum eftir sígarettur og annað ógeð. Klósettið á Burger King nálægt Oxford Street í London á þó heiðurinn sem versta klósett sem ég hef nokkurn tímann þurft að nota. Ég man ekki hvort ég hef tjáð mig um það á svona opinberum miðli áður, en það var hinn versti viðbjóður sem ég hef á ævi minni kynnst. Ef ég hefði ekki verið í svona sárri neyð þá hefði ég komið mér þaðan út hið fyrsta. Hurðin var hálfbrotin og þung og skelltist aftur, ég hélt ég myndi nú ekki komast þaðan út aftur án þess að fá hjálp frá utanaðkomandi. Veggirnir voru líka brotnir og allt skítugt. Vaskurinn var brotinn og lak og klósettið hálf bilað. Ég þorði ekki að koma við neitt án þess að nota tonn af pappír til að hlífa við smiti af öllum sóttum heimsins sem ég trúði að gátu verið samankomnar þarna inni. Þetta leit út eins og lítið útskot frá helvíti. Ekki var hægt að þvo sér þarna inni svo að ég þurfti að fara inn á karlaklósettið til að ljúka verkinu, það var verra :oS Það var ekki fræðilegur að ég myndi kaupa mér eitthvað að borða á þessum stað eftir að hafa séð útganginn á klósettinu. Ég finn fyrir klígju þegar ég hugsa um þetta. Netverjinn upplifði víst eitthvað svipað á Boombay veitingastaðnum, en maður býst svo sem ekki við meiru af veitingastað sem hendir hænunni fullklæddri út í pottinn.

En svo ég endi þetta á jákvæðum nótum, klósettin í Mall of America fá toppskor hjá mér enda er allt gott í minni Ameríku :)

Leikir

Ég sakna sumarkvölda sem eytt var úti við í leikjum af ýmsu tagi. Ég sakna leikjanna, krakkanna og andrúmsloftsins sem skapaðist við þessar aðstæður. Brennó, fallin spýta, feluleikur, snú-snú, teygjó, eitur í flösku, verpa eggjum, allt eru þetta leikir sem maður kunni og bara við það að heyra þessi nöfn þá streyma minningarnar fram þó ég geti ekki sagt að ég muni reglurnar lengur enda breyttust þær dag frá degi. Því getur maður ekki orðið ungur aftur og leikið sér? Leika krakkar sér svona nú til dags? Ég man ekki til þess að ég hafi séð nokkurn krakka að leika sér úti við í fjölda ára, annað hvort er þetta lið inni í tölvuleikjum eða safnast saman á Hlemmi og gera einhvern óskunda. Ég segi það ekki, ég eyddi dágóðum tíma í Gameboy tölvunni sem ég lét móður vinkonu minnar kaupa í einni af sínum tíðu utanlandsferðum, en ég lék mér þó úti við þegar það var einhver úti til að leika sér við. Mesti spenningurinn var að vera úti eftir að það byrjaði að dimma, það fækkaði sífellt í hópnum og þó að enginn vildi í rauninni fara inn þá var víst ekki hægt að komast hjá köllum foreldra eða forráðamanna sem byrjuðu blítt en um leið og "tónninn" var kominn, þá var best að halda heim. Ég sjálf hafði í rauninni aldrei neinn sérstakan útivistartíma, ég fór bara heim þegar hinir fóru heim. Það var ósjaldan sem ég og vinkona mín fengum að horfa á myndir til miðnættis um helgar heima hjá henni, oftar en ekki voru þetta hryllingsmyndir og svo þurfti ég að hringja í afa til að fylgjast með mér af svaladyrunum á meðan ég labbaði heim, þar sem hún bjó í húsinu á móti. Aldrei hljóp ég hraðar upp tröppurnar á Grandanum en í þessi skipti, samt endurtók maður þetta aftur og aftur, helgi eftir helgi, þetta þótti svo mikið sport.

En já, ég er búin að tjá mig.. :) Ég sakna þessara hluta :)

Nágrannar...

mínir eru skrýtnir. Ég bý í fjölbýli, auðvitað eru hinar ýmsu týpur sem koma saman á slíkum svæðum. Hér fyrir neðan er smá lýsing á nokkrum þeirra.

Mr. Bathes-a-lot at 3 am... á hverri nóttu!!! Hversu óhreinn ertu???

Miss Búlemía, er byrjuð aftur.. meðferðin hefur greinilega ekki virkað, fengum hlé í nokkra mánuði en nú er hún byrjuð að kúgast á ný. Heyrist sérstaklega vel í henni inni á baði.. stundum smitandi..

Mr. or Mrs. Cartoon Network - það er ALLTAF kveikt á sjónvarpinu inn í svefnherberginu hjá þessum aðila þegar ég kem heim úr vinnu kl 08 á morgnanna.. ég hef aldrei séð þessa manneskju.. mjög dularfullt allt saman.

Mr. Smokes a lot - hann fer alltaf út á svalir að reykja, hann býr einn.. hann kann þetta.

Mr. No Curtains slash Show-off - veit víst ekki hver tilgangurinn með gluggatjöldum er, sjáum hann iðulega í ýmsum stellingum í svefnherberginu. Stundum er fótur út í glugga, stundum handleggur.. mjög fjörugt allt saman enda ungur og stæðilegur strákur. Red Light Special með TLC kemur örugglega sterkt inn sem uppáhaldslag enda er yfirleitt rauður bjarmi í svefnherberginu.

Mr. Barbecue - grillar í mínus 15 stigum... og síðast en ekki síst

Mr. T.H.G.F.D.S/MR. Weeds - Þið þekkið hann... ég er nokkuð viss um að hann er að selja... fullt af undarlegum karakterum í kringum hann og svo kemur þessi skrýtna lykt oft upp.. kannski notar hann mikið af reykelsum... veit ekki.. er sama.. hann er heitur :) Ég segi ykkur frá deitinu mínu seinna, við erum að tala um stuttbuxur og boð um nýtt stefnumót.. ég meina hversu augljós getur maðurinn verið?? :)

Sem betur fer er parið fræga flutt, það þurfti oft að kalla á lögreglu til að skilja þau að... veit ekki betur en að græjum hafi verið reglulega hafi hent niður af svölum sem og pokum með fötum og öðru drasli, alveg eins og í bíómyndunum.

Nágrannarnir eru þó með skárra móti núna en oft áður, ég hef flutt það oft að ég þekki flestar týpurnar... dópistana sem maður þorir ekki að klaga vegna hræðslu um líkamsmeiðingar, kristna ofsatrúarfólkið sem vill fá mann í hópinn, einstæðu mæðurnar sem fá mann til að passa villingana fyrir sig fyrir lúsarlaun (reyndar ekki gerst síðan ég var táningur). Svona getur maður talið lengi áfram :)

Eiginleikar hins fullkomna eiginmanns

Brave
Intelligent
Gentle
Polite
Energetic
Nutty
Industrious
Sensitive

And if all else fails, well..... read the CAPITAL LETTERS only :)


(SVO stolið frá Hrönn)