You're dark, twisted and gorgeous, Angelina Jolie.


What sexy girl are you
brought to you by Quizilla
Beat that! :OP

ÁÁÁ I ! Fór til tannlæknis í morgun... eftir einstaklega lítinn svefn þar sem allir eru að hringja í mig út af bókum sem er að selja á Kassi.is... varð ekkert smá ánægð þegar hún spurði hvað ég vildi horfa á.. sá fram á þægilegan hálftíma með Vinum... svo byrjaði hún að deyfa mig.. ég hrökk svakalega við í fyrstu... hún var með eitthvað nýtt tæki og bragðið sem kom... HRYLLINGUR! Svo byrjaði ég öll að dofna, þegar kokið var byrjað að dofna fór ég að verða verulega hrædd... eftir nokkrar stunur fór tannsi að taka eftir því að eitthvað var að og náði í sogtæki og fór ég þá að ná andanum aftur.... mér varð hugsað til Final Destination 2 (ef þið munið eftir tannlæknaatriðinu þar sem fiskurinn er ofan í kokinu á honum... mér leið þannig!)! Gat ekki notið þáttarins.. sem sakaði ekki mikið þar sem ég hafði horft á hann svo oft áður! Fyrir þessa heimsókn þurfti ég að borga heilar 7 þúsund krónur... fór síðan niður í bókabúðina og gerði mig örugglega að fífli fyrir framan sæta bókabúðarstrákinn þar sem kokið var enn sofandi og ég var að reyna tjá mig! Keypti mér skóladagbók fyri 800 kr! Algjört rán.. en kemur mér vonandi í skólafílinginn!

Down with love.. jú smá fílingur í gangi.. ofursæt, svo ofursæt reyndar að ég fer til tannlæknis á morgun. Reyndar átti ég pantaðan tíma síðan fyrir löngu en myndin bætti ekki ástandið! People I Know með Al Pakínó! Engin furða að hún var strax gefin út á myndbandi.. allt of langdregin og skrýtin fyrir minn smekk.. léleg.. reyndar fíla ég ekki hann Pakínó, alltaf svo tuskulegur og leiðinlegur... eina skiptið sem ég man eftir honum hálf sæmilegum var í ..... nei aldrei.. man ekki eftir honum í skemmtilegu hlutverki! Æ dónt fíl him or læk him at all! Veit ekki afhverju karlmenn eru svona hrifnir af honum, leikur alltaf eins og hann sé hálffullur og dópaður! Þetta er afrakstur kvöldsins..! Um daginn sá ég svo Identity, hún var helv$#% góð, Ray Liotta og John Cusack eru góðir! Endirinn kom samt ekki á óvart... var fyrir löngu búin að giska á það! En hún var góð þrátt fyrir það.... ekki skemmir að það er ekki langt síðan ég las 10 little Indians eftir Agöthu Christie.. mæli með henni!

Jæja.. það er kominn skólafiðringur í mig :O) byrja strax eftir helgina.. kynningarfundur á laugardaginn! Vona að þetta verði eitthvað áhugavert! Er þegar búin að kaupa skólabækurnar.. allavega flestar... hlakka svo til á föstudag að fara að kaupa ritföng og annan óþarfa sem ég gæti þess vegna grafið upp úr einhverri skúffunni hjá mér.. en NEI þetta verður að vera nýtt.. annars er ekkert gaman! Verst að ég get ekki krafið foreldra mína um nýja skólatösku! O jæja.. þær gömlu verða að duga.. já þær, ekki sú.. því ég er töskuóð.. á alveg fullt af töskum.. örugglega vegna maníu minnar um að ferðast eitthvert, og líka það að ég er alltaf með svo mikið dót á mér þótt ég sé nú ekki að fara nema bara rétt niður í bæ! Er reyndar að minnka það, er með aukaföt og annað hjá múttu.. og í vinnunni... nú þarf ég bara að biðja frænda minn vestur í bæ um eina skúffu eða svo og þá er ég með alla borgina! Ekki meir en 5 mínútur í næsta hreina sokk!

Ég er orðin svo syfjuð.... sofnaði ekki fyrr en eftir níu, vaknaði síðan aftur um hálf tólf.. fór í sturtu.. hringdi stutt símtal.. fór aftur að sofa.. vaknaði síðan aftur kl 4, klæddi mig og hoppaði út til að ná í bækur, fór síðan aftur að sofa.. vaknaði kl 18 og er búin að vera að síðan! Á morgun er planið að SOFA allan dagin.. engar truflanir takk!!! Ætliði að reyna að slökkva á sólinni meðan ég sef?? Það væri vel þegið!

Alveg týpískt.. ég er í pásu og er að slappa af... og hvað gerist.. nú bara jarðskjálfti!!! Minnti mig soldið á 17 júní 2000 þegar ég var einnig í vinnunni.. haldið þið að þetta sé tilviljun... nei ég held ekki!! Ég var alveg í sjokki.. reif mig upp úr sófanum.. greip dauðahaldi í töskuna mína og hljóp næstum öskrandi fram: FUNDUÐ ÞIÐ ÞETTA! Allir í sjokki... allir að hringja.... maður verður alltaf svo skíthræddur! Var voða dugleg og hringdi í veðurstofuna í Keflavík þar sem ekki náðist í Reykjavík.. hann gat ekkert sagt.. hringdi svo í almannavarnir þar sem ég fékk þær upplýsingar að skjálftinn hefði átt upptök á Krýsuvíkursvæðinu og verið heilir 4,9 á Richter skalanum! Byrjaði svo að hjálpa stelpunum að svara vegna álagsins sem myndaðist og fannst ég voða merkilegt að geta sagt fólkinu einhverjar fréttir! Ótrúlegt hvað maður verður fréttasjúkur á svona stundum... hef fylgst með mbl.is og vedur.is í alla nótt, útvarpið hefur verið í gangi og ég kippist til við hverja hreyfingu! Lífið alveg gasalega spennandi!

Jey.. vann 2 miða á Tomb Raider.. vann um daginn miða á Pirates of the Carabian... næst negli ég lottóið! :)

Word Shark á Batman er nærri því eins skemmtilegur og Type or Die leikurinn minn sem ég get ekki spilað þar sem geisladrifið á tölvunni minni virkar ekki!!!!

Veðrið úti núna minnir mig soldið á óveðursatriðið í Supergirl!!! Önnur mynd sem ég hélt að væri æðisleg þar til ég horfði á hana aftur nýverið.... fór svo í taugarnar á mér að ég beit næstum fólkið í kringum mig! Arg...!!!

Áður en ég fór á vaktina náði ég nokkrum mínútum af Strong Medicine.. ágætur læknaþáttur þar sem konur eru í aðalhlutverkum! Hafið þið tekið eftir því að það eru til læknaþættir fyrir flesta samfélagshópa... City of Angels fyrir blökkumenn, Strong Medicine fyrir konur, Scrubs fyrir húmorista, Md's fyrir ófríða og fyndna íra (nei ófríða. Og fyndna Íra.. hann John Hannah er fyndinn og fríður), Chicago Hope fyrir smámælta og ER fyrir alla! Jæja.. kannski smá ósanngjörn skipting en strikar undir meiningu mína að það eru OF margir læknaþættir þarna úti! Reyndar gæti ég út frá þessu byrjað að tala um lögguþættina, lögfræðingaþættina og alla hina en ég ætla ekki að gera þetta... heldur ætla ég að halda áfram að tala um Strong Medicine og reyna ekki að fara svona út fyrir efnið!

Allavega.. í þættinum var ung stúlka, múslimi, sem fékk sýkingu eftir að hún hafði verið saumuð saman að neðan (umskorin), fyrst var talið að foreldrar hennar hlytu að vera skrímsli sem hefðu neytt hana til að gangast undir þessa aðgerð en svo kom í ljós að hún hafði einnig viljað þetta. Allar konurnar í hennar fjölskyldu höfðu gengið í gegnum eins aðgerð í margar aldir og hún vildi halda hefðinni! Ert þú tilbúin/n að ganga svona langt fyrir trúnna??? Ég skil ekki svona trúarofstæki, ég meina ég skil að fólk hefur þörf fyrir að trúa á eitthvað en ef að trúin felur í sér slíkar misþyrmingar eins og umskorningu þá þarf að endurskoða hugsanaganginn. Við lifum á tækniöldum, veröldin er sífellt að breytast og flest trúarbrögð laga sig að nýjum lifnaðarháttum, við sjáum munka á flugvöllum, Oprah fjallaði um Amish unglinga sem fá tækifæri að hlaupa af sér hornin með því að drekka og stunda kynlíf.... ég skil ekki kaþólikka sem neita að nota smokka, stunda samt kynlíf með smástrákum og neita jafnframt að samþykkja samband samkynhneigðra. Það sem maður hefur lesið um múslimakonur og þjáningar þeirra eru líka óskiljanlegar, þær eru saumaðar saman svo þær haldist ,,hreinar" þar til eftir giftingu, en í raun er bara verið að reyna að gera karlmönnum erfiðara fyrir að nauðga þeim svo þær verði ekki ,,ónýtar".. þetta er gert til að halda virðingu fjölskyldunnar... hvað með að kenna karlmönnunum að bera virðingu fyrir þeim svo þeir reyni ekki að nauðga þeim! Ég get ekki lastað Búddistum enn.. þekki ekki nógu mikið til þeirrar trúar til þess að treysta mér til þess... ég virðist kannski vera að einfalda hlutina en í raun og veru er ég það ekki! Trú á ekki að vera bundin skilmálum, ef þú gerir ekki hlutina svona eða hinsegin þá áttu ekki að eiga í hættu að vera afneitað af samfélaginu (eða trúarfélaginu) í kringum þig! Við gefumst ekki upp á morðingjum og nauðgurum, við sendum þá bara í endurhæfingu og svo aftur út í samfélagið í þeirri von að þeir hafi eitthvað lært af þessu! Ég er ekki tilbúin að deyja fyrir trúnna eins og þessir vitleysingar í Usa sem láta einhverja kalla (nú eða konur) plata af sér alla peningana og segja þeim að geimskip sé á leiðinni að flytja þá á ,,betri" stað! Reyndar er ég fegin bara að þeir svifti sig lífi.. eiga ekki að lifa ef þeir eru svona heimskir! Jæja.. nú er ég útskúfuð af geimverunum líka! Eins gott að ég trúi ekki á þær :P

Þetta var algjört bull en eyddi tímanum... markmiðinu náð!

Fór í keilu í gær með Örnu og Álfrúnu, svona til að fagna komu Álfrúnar heim á klakann! Ég held ég sé versti keiluspilari í sögu þjóðarinnar.. hehe braut nögl, náði ekki nema rétt 50 stigum (ehemm já 54 heil) og gerði mig að athlægi fyrir framan fullt af gelgjum! Mjög skemmtilegt kvöld sem sagt :) Ég held ég muni ekki spila hana aftur í bráð.. það er ekki út af þessum atriðum sem ég taldi upp áðan heldur því að skórnir passa bara alls ekki á mig!! Ég er flatfótur, og passa ekki í venjulega skó, veit ekki hvernig ég náði að spila í skónum... það er ekki það að skórnir voru ekki nógu langir ... þeir voru bara ekki nógu breiðir... Miss Bigfoot! Er nú soldið fyrir loðna menn.. þetta er allt í lagi! Svo kasta ég líka keilunni svo asnalega.. sný upp á hendina um leið og ég kasta kúlunni án þess að gera mér grein fyrir því og nú er ég líka að drepast í handleggnum! Stelpurnar voru báðar með um 80 stig.. mér leið vel með mín 50 þar ég sá fyrrverandi bekkjarbróður minn ekki all langt frá og hugsa ég að nú verði ég aðalumræðuefnið á næsta Reunion hjá skólanum.... heyri það nú þegar... veistu hvað Alda er lélegur keiluspilari.. sástu skóna.. þeir litu út eins og Dúmbó hefði verið að troða sér í balletskó eða eitthvað! Nei ok.. hér er ég komin aðeins í smá röfl.. .anyways.. mjög fínt kvöld.. eftir keiluna fórum við á Svarta Kaffi og ganga ekki bara 2 aðrir bekkjarbræður okkar þar inn.... ég má þó eiga það að ég veifaði til þeirra... veifaði... nei ekki rétta orðið... þetta var frekar svona tú kúl tú bí veif veif... humm.. fékk eins bendingu til baka sem ég var mjög sátt með enda frekar fríðir piltar þarna á ferð!

Project Rockstar er skemmtilegur fyrir þá sem eyða dögum sínum í að vafra um netið!!! Eyðir tíma.. ekki mikið samt sem hægt er að gera í fyrstu, vona að það batni með tímanum!

Hvað er þetta með fólk að flytja úr landi??? Danmörk og USA eru greinilega vinsælustu staðirnir.... 2 úr vinnunni að fara til Danmörku núna... 1 á næsta ári! Greinilega eitthvað um að vera þar sem ég hef ekki enn frétt af! 3 kryddið eða eitthvað???

Já.. finnst ykkur ekki furðulegt með bílinn minn.... hann ætlar greinilega að láta Vökukallana taka sig! Ég fór í heimsókn til Söru frænku um daginn, við frændsystkinin vorum með spilakvöld, allt í lagi með bílinn.. svo þegar ég er að halda heim á leið með krakkana í bílnum þá allt í einu heyrist þetta skraphljóð... viti menn hengur ekki allt pústið bara niðri!! Afi kom og náði að binda það einhvern veginn upp og ég keyrði heim á leið en fer ekki að rjúka smá úr bílnum!! Vatnskassinn lekur! Það á ekki af honum að ganga...!

Ef þið vitið um skemmtilegan og helst ódýran bíl LET ME KNOW!!!

Bíllinn minn er að gefa upp öndina.... því miður... góðu fréttirnar eru þær að það merkir að ég er að leita mér að öðrum bíl! Veit samt ekki hvort það verði eitthvað úr því.... krossleggjum okkur bara (já ekki bara fingurnar!!) Þar sem ég er í svo ,,ágætu" skapi langar mig til að tjá mig smá!!

ÉG HATA...

Drukkið fólk,

Sól þegar ég hef ekki sofið í mánuð!

Þegar bíllinn klikkar þegar maður þarf mest á honum að halda!

Þegar geisladrifið á tölvunni klikkar þegar þú ert með geðveikar myndir í láni sem þú getur BARA horft á í tölvunni!

Geisladrifið í tölvunni minni!

Blöðrur á fótunum,

Sandala án hælbands!

Þegar þú ert að missa af strætó og getur ekki hlaupið því annars myndu skórnir fljúga af þér og þú getur ekki farið úr þeim því það er grenjandi rigning!

Þegar námsskeiðin þín detta ÓVART úr tölvunni þinni og það lítur út eins og þú sért bara ekkert skráð inn á næsta ár í Háskólanum og birtast síðan ÓVÆNT næsta dag eftir heilan dag af móðursýki, neglurnar nagaðar niður í kjúku og þú ert alvarlega að íhuga að láta leggja þig inn á Klepp!

Þú ákveður í staðinn að leggja systur þína inn á Klepp en akkurat sama dag ákveður hún af gamni sínu að leika ,,geðheila" manneskju.. bara svona í gamni!! (Bara athuga hvort þú sért að lesa Anna mín!!!) :)

Þegar poppmaís festist í tönnunum og ekkert er handhægt til að ná honum upp úr!

Þegar að daginn eftir nærðu maísnum úr með tannþráð en er orðin svo aum í gómnum eftir neglurnar sem þú reyndir að nota í það að ná korninu upp úr holdinu!

Þegar gömlu góðu myndirnar sem maður hélt að væru alveg frábærar (í minningunni) eru í raun og veru bara hálfömurlegar, t.d. Wayne's World og Overboard!

Volgt vatn!

Þegar óþekktur hlutur flýtur um í vatninu þínu!

Fólk sem er að éta þegar það talar í símann!

Fólk sem að smjatta þegar maður er pirraður..... lætur skrjáfa í pokum eða talar bara of mikið!

Fólk sem talar mikið á morgnana... finnst það ætti að vera þögn þar til eftir hádegi.. þegar ég vakna vil ég helst hafa þögn í svona 1-2 klst!

Þegar annað fólk er pirrað á sama tíma og ég.... þegar ég er pirruð á ég EIN að vera pirruð!

Drukkið fólk!!!!!!

Fundum Joni Mitchell útgáfuna af River.. hún er líka rosalega flott.. þetta er eiginlega jafntefli... nei... Robert er samt flottari... Auður er komin með 3 útgáfur af laginu í tölvuna.. ætli hún klikkist af þessu??

Auður er komin með leið á því eftir einungis 120 spilanir... skil ekkert í henni.. hún neitar að hafa það á repeat!!! Hún sem downloadaði því spes fyrir mig!!

RIVER eftir Joni Mitchell í flutningi Robert Downey Jr er besta lag í heimi! :O)

ÉG eyddi alveg þónokkru í dag.... stolt af sjálfri mér.. reyndar keypti ég ekki neitt sem var á listanum mínum þannig ég verð að fara aftur á morgun eða föstudag.. sem sagt í dag eða á morgun... og kaupa meira! Meira dót meira dót meira meira dót! Keypti afmælisgjöf handa sjálfri mér :) stoltur eigandi nú að dvd spilara sem spilar öll kerfi og meira til :) nú á ég einn og hálfan... hehe

Komst af því afhverju ég fæ alltaf blóðnasir.. hef þjáðst af krónískum blóðnösum síðan ég man eftir mér... svo kviknaði á perunni síðasta sunnudag! Auðvitað var mér rænt af geimverum þegar ég var lítil og aðskotahlut komið fyrir í heilanum sem orsakar þessar tíðu blóðnasir! Nú vil ég bara að þær komi aftur og fjarlægi hann áður en hann skríður út um eyrað á mér! COME AND TAKE ME!!!

NEI pervertarnir ykkar.. ég er ekki að meina þannig.....

Ætla að eyða ógeðslega hárri fjárrhæð á morgun ;o) It's fun to be rich for a day!!

Fór til tannlæknis í morgun.... búin að bíða í yfir mánuð eftir því að komast til hennar... fæ alltaf tannkul í eina tönnina og hlakkaði ekkert smá til að losna við þessi óþægindi. Ég mæti á svæðið og hún segir mér að fara inn og setjast niður bara.. ég hugsa með mér: er þetta einhvers konar prófraun... sálfræðipróf sem úrskurðar það hvort ég sé hæf til að láta laga í mér tennurnar!! Alla vega ég fer inn... lít vel í kringum mig svo ég sé nú alveg pottþétt inn í réttri stofu.. vel góðan stað fyrir töskuna mína og sest niður... ég er látin bíða alveg heillengi þar til hún kemur inn og byrjar á því að færa töskuna mína... greinilega fallin á því prófi... svo tekur hún myndir af tönnunum og skoðar mig síðan... segir að ég þurfi kannski fyllingu í eina tönn þar sem glerungurinn er orðinn frekar þunnur.. fyrr en varði er hún byrjuð að skrapa og plokka í tannsteininn minn, var ekkert að fíla þetta þar til ég finn þennan gnístandi sársauka og smá blóðbragð í munninn... fór aðeins of langt ofan í holdið.. brosir og segir: heyrðu ég ætla bara að nota hljóðbylgjurnar á þetta!!! (Afhverju gerðiru það ekki strax!!!) Greinilega eitthvað móðgað hana með því að setja töskuna á vitlausan stað! Svo er ég beðin um að skola og ég geri það.. leggst aftur ofan í stólinn, byrjuð að hlakka til að fá að horfa á friends í gegnum gleraugun flottu og bíð átekta! Nei nei segir hún ekki jæja komdu nú fram... ég horfði á hana stórum augum og velti því fyrir mér hvað hún ætti við með þessu.. ekki ætlar hún að gera við tönnina í annarri stofu.. neinei... hún leiðir mig að afgreiðsluborðinu og segir mér að þetta séu 7 þúsund krónur, komdu aftur eftir mánuð, takk fyrir og bless.... ég var svo lens að ég stamaði.. en er ekkert sem ég get gert við kulinu??? Hún rýkur til og opnar skáp, þrykkir að mér flúorskoli og rukkar mig fyrir það líka! :( Ég bara trúi þessu ekki enn!! þarf að bíða í mánuð eftir fyllingunni og líklegast rukkar hún mig aftur þá! Tannlæknar eru útsendarar djöfulsins!

40 mínútur!!! :(

Ég á afmæli í dag.. ég á afmæli í dag!! Jey... reyndar er þetta ekki jey heldur bara nei! Hálfsorglegt að glata öðru ári í endanleikann! Þetta er búinn að vera fínn dagur... alla vega þegar hér er komið við sögu... var vakin með sms sendingum fyrir níu og svo aftur með símtali fyrir tíu!! Reyndi að sofna aftur en tókst ekki vegna fyrirferðarmikilla fjölskyldumeðlima! Það er búið að svoleiðis drita á mig smsunum og heillaóskunum að ég hef bara sjaldan vitað annað eins.... fékk reyndar ekki morgunverð í rúmið eins og ég bað um og svo var ég skilin hér eftir alein á afmælisdaginn meðan mæðgurnar skruppu í bæjarferð! Þær gerðu þetta líka í fyrra.. skildu mig ALEINA eftir allan daginn :( Held þetta sé gert viljandi.. láta mig þjást svona.. svo fæ ég ekki einu sinni að vita hvað þær ætla að gefa mér! Ósvífnin sú! Þannig núna er ég að eyða sorgum mínum í fjárhættuspili á netinu... hef aðeins tapað 50 þúsundum sem er náttla barasta ekki neitt! Stefni á að eyða öðrum 20 þús áður en þær mæta á svæðið aftur! Didda frænka var svo sæt að baka handa mér tertu... eftir klippinguna þá kom ég við hjá ömmu og afa og þar beið bara heila familían eftir mér og söng... ekki beint fegursti söngur í heimi en yljaði þó hjartaræturnar... sem er eins gott því hársræturnar mínar eru ekki upp á mikla fiska...
Fékk þó eina afmælisgjöf.. líklega er ekki hætt að toppa hana! Ben Affleck hélt framhjá J-Ljót og nú hætta þau líklega saman og þá verður hann minn á ný! Get ekki beðið um meira en það!

Er þetta ekki sætasta krútt í heimi!!! Jólahvað!!! Lét ekki jólatréð í friði.. náði að komast upp á topp með því að hringa sig utan um það og fikra sig síðan upp á næstu grein og svo næstu!!