Að líða vel í eigin skinni

Hvað þýðir það eiginlega? Ég hef líka heyrt frasann: grow into yourself. Margir tala um að eftir því sem árin verða fleiri að þeim líði alltaf betur og betur í eigin líkama. Ég er ekki frá því að þetta sé satt, ég tók eftir því bara núna í kvöld að ég er hætt að líta "framhjá" mér í speglinum eins og ég gerði alltaf. Ég er auðvitað ekki að segja að ég sé neitt sérstaklega sátt við það sem ég sé eða að mér líði aldrei óþægilega, en ætli ég sé ekki farin að sætta mig við að "þetta" er það sem ég hef og úr þessu hef ég að vinna. Maður er hættur að láta sig dreyma um töfralausnir og meðöl sem gætu breytt öllu á skömmum tíma. Ég er líka hætt að óska að ég líktist hinum og þessum, væri með svona varir og hinsegin augnsvip. Ég vil bara líkjast sjálfri mér og vera sátt við það!

Takk fyrir!