Aldan flaug!

Ég er ekki enn komin niður úr skýjunum síðan í gær, sem er svoldið skrýtið þar sem það voru engin ský sjáanleg en allavega Flugmaðurinn bauð mér, Netverjanum og Mr. America í flugferð í gær. Undirrituð fékk að sitja frammí og var meira að segja leyft að taka stýrið og hefja vélina á loft!! Þetta var meiriháttar gaman, við fengum líka frábært flugveður, heiðskýrt og norðurljósin skörtuðu sínu fegursta! Við flugum yfir Akranes, þaðan aftur yfir Reykjavík og svo til Keflavíkur þar sem við fengum m.a. að prufa snertilendingu. Þeir voru svo sætir í turninum að þeir kveiktu öll ljós sem hægt var að kveikja á einni brautinni og það lá við að maður fengi ofbirtu í augun af allri litadýrðinni! Að endingu flugum við svo aftur yfir Reykjavík og lentum heil eftir þetta ævintýr!

Takk fyrir mig :)