Blogg

Einhverjir (samt alltof fáir *hint*) hafa verið að væla um bloggfærslu! Það er voða erfitt að blogga þegar maður hefur ekkert að segja!! Lífið gengur sinn vanagang... Robin hennar Önnu kemur til okkar núna á miðvikudag og verður fram í byrjun september en þá fara þau bæði út til Bretlands! :( Auðvitað á að skilja mig eftir hér á þessum guðsvolaða klaka.. aleina með tvo ketti.. reyndar bara þar til í lok september en mér er sama!!! ALEIN!! Já... svona er lífið harkalegt stundum!!

En hvað um það.. Menningarnótt kom og fór.. Netverjinn bauð okkur Menngóliðum í þennan yndæliskvöldmat, á undan höfðum við gengið aðeins um bæinn... sáum reyndar ekkert merkilegt.. einhvern veginn náðum við að forðast markverðustu hlutina.. ég hafði samt mikinn áhuga að stoppa við geimverutjaldið og taka smá dansspor en ákvað svo að hlífa gangandi vegfarendum og náði að hemja sjálfa mig með herkjum! Síðar um kvöldið var svo gripið í Buzz (víst hallærislegt samkvæmt boðflennunum en við skemmtum okkur ágætlega yfir þessu :) ), kíktum á flugeldasýninguna og höfðum það gott.. allt með ró og spekt!

Auður mín er að flytja til Ítalíu 19 september :( Hennar verður sárt saknað.. það er einsgott að við náum að halda eitt almennilegt tarotkvöld áður en Íris fer! Hún fer í lok mánaðarins :( Heba er flutt austur
Eru bara ALLIR að yfirgefa mig??? Þetta er orðið skuggalegt!

Hvað um það.. ég er bjartsýn manneskja... kannski langar mig bara ekkert að umgangast ykkur.. kannski er það ég sem er að "senda" ykkur í burtu, ha!! Veltið þessu fyrir ykkur!!