Mér líður eins og ég sé alltaf hérna... síðan á þriðjudag er ég búin að vinna einhverja 60 tíma! Það er í sjálfu sér ekkert svakalega mikið en ég er búin að vera á næturvöktum og ég er ÞREYTT! Fæ frí á mánudag, vinn þriðjudag en er svo komin í vikufrí að öllu óbreyttu :)

Við fengum sumarbústað :)Jei!! Apavatn er það! AGAIN! hehe... Nei ég er ekki sumarbústaðarsjúk!

Nína freundin er víst að fara í Mehíkó í hálft ár! Ætlar að leika góða Samverjann og sinna götubörnum þar! Maður fyllist samviskubiti, kannski maður ætti að helga lífi sínu öðrum, gerast nunna? Nei... ætli það!

Álfrún og Arna komu til mín í gær! Tókum videó, Honey. Soldið þunnur söguþráður en sætur strákur og góð tónlist (jú víst=). Rak þær síðan snemma út því það var hringt í mig og ég beðin um að mæta á aukavakt!
Ég bæti þeim það upp seinna :)
Mætti hérna síðan kl 4, 8 tímum eftir síðustu vakt! Sit hér til miðnættis eða svo "og mun þaðan koma að dæma lifendur og dauða!". Halelúja!