Getur fólk ekki bara farið að sofa á eðlilegum tímum! Hvað er málið? Ég er með þá kenningu að eftir klukkan 22 á kvöldin breytist flest fólk í algjöra dóna og gleymi mannasiðunum þar til klukkan 8 daginn eftir! Ég er að reyna að læra, búin að svara 6 spurningum af 34! Búin að vera að í næstum 2 klst, líður samt eins og ég sé svakalega dugleg!
Síminn minn er búinn að vera í meir en mánuð í viðgerð! Það var hringt í mig í fyrradag, ég vakin og mér tilkynnt að því miður væri hann óviðgerðarhæfur!!! Strákurinn sagðist svo ætla að hringja í mig aftur til að láta mig vita hvernig málið myndi fara (hvort hann yrði dæmdur í ábyrgð eða ekki). Það leið á daginn og enginn hringdi þannig ég ákvað að hringja bara sjálf niður í Hátækni og spyrja um símann minn, lenti svo heppilega á gamalli vinkonu henni Ástu minni og hún segir mér að síminn hafi verið dæmdur af þeim í ábyrgð. Þá hringi ég aftur í Tal (já í Tal, ég er að svíkja lit!! skammast mín ýkt) og reyni að fá að tala við strákinn, ég fæ það ekki þannig ég læt liggja skilaboð um að hringja strax í mig! Einhverjum klukkustundum eftir það hringir strákurinn og tjáir mér það að síminn sé VÍST viðgerðarhæfur, þeir vilji ekki fara eftir ráðum sérfræðinganna og ætla að gera við hann sjálfir (HVAÐA VITLEYSA ER ÞAÐ?), þeir hjá Hátækni hafi bara eitthvað verið að bulla! Þetta þýðir örugglega að ég fæ ekki að sjá símann minn í mánuð í viðbót ef allt gengur eins og áður fyrr! En langar mig virkilega að fá símann aftur ef TAL gerir við hann?? Þetta kennir mér bara að svíkja ekki lit og halda mig bara við þann stóra bláa!

Mig langar að yrkja:
Ó, elsku sextíu og tveir tíu,
hvenær sjáumst við að nýju,
Ég sakna stærð þinnar að vanda,
hef ekkert milli minna handa!