Guð hvað ég bulla mikið (1 boðorð farið), ég er búin að tjá öllum sem vilja ljá mér eyra að hún systir mín sé með veirusýkingu og hún sé á heavy pensillín skammti vegna þessa! Ég náttúrulega var í líffræði í skóla en var ekkert að pæla í því sem búið er að hamra svoleiðis á mér að Pensillín virkar ekki á veirusýkingar!!! Og hún Halldóraf (f-ið er viljandi) stóð fast á sínu að þetta bara gæti ekki staðist svo ég bara hringdi í hana systur mína og viti menn, hún er með bakteríusýkingu!!! Við samt tölum alltaf um veirusýkinguna, biðst forláts á lygunum.... þetta er ekki eina lygin hjá mér í dag! ónei, mín ætlaði sko að stela gsm-símanum hennar Völu sinnar! Ég fór í heimsókn áðan til að kveðja þær, fara til Noregs í fyrramálið, og var með símann á mér (minn sími 6210 er í viðgerð svo ég var með lánsíma 3210 með mér) svo var mín að fara og tók bara næsta síma af borðinu, löbbuðum út (ég og Ellen) á meðan Vala var eitthvað að vesenast inni. Eftir heillanga stund heyrðist í farsíma nálægt og Ellen sagði: Síminn þinn er hér! Ég sagði bara; neinei, hljóðið kom þarna úr garðinum því ég mundi náttúrulega ekki eftir að hafa sett hann í vasann, Vala hélt áfram að leita og svo ákvað mín að setja hendurnar í vasann og koma þá ekki 2 gsm símar upp úr krafsinu! Mér leið ýkt illa eins og ég hafi ætlað að stela símanum!